Miravalles eta Virgen Blanca kaleen artean beilatoki bat jarri nahi du Izarra Nabarra enpresak Uharten. Proiektua, gainera, lehen fasean dago jada.
Bizilagunak enteratu, eta kontra azaldu dira. Ez dute Alde Zaharrean beilatokirik nahi, etxetik atera eta hor bertan. Udalari eskatu diote udal ordenantza alda dezan, halako eraikuntzak ez baimentzeko. Bide horretan, sinadura bilketari ekin diote.
Udalak ere uste du Alde Zaharra ez dela toki "egokiena", baina beilatokia "araututako ekintza da, eta prozesu administratiboak aurrera ateratzen ari da". Nolanahi ere, "dauden aukeren artean" Uharteko beste zonalde batean jartzea begi onez ikusten du.