Alde Zaharra, lau egunez ia
Mari Trapu izanen da jai horien iragarle. Alde Zaharrean inaute hotsa entzuteaz gainera, Iruñeko auzo zenbaitetan ere asteburuan ospatuko dute mozorroen festa.
Alde Zaharrean ospakizunak gaur hasiko dira, 17:30ean. Ordu horretan, txistorra-jana eta txokolate-jana eginen dute Katakraken. Eguneko ekitaldi nagusia baina, Mari Trapuren iritsierarekin etorriko da. 19:00etan eginen diote harrera Navarreriako iturrian eta pregoia ere izanen da. Ondoren kalejira bat abiatuko da Iruñea Taldea eta Muthiko Alaiak fanfarreek desfilatuko dute.
Larunbata beldurraren eguna izanen da. Izan ere, 16:30ean, festa beldurgarri bat ospatuko dute La Unica peñan, eta 18:00etan mozorro beldurgarriak protagonista izanen dituen kalejira bat eginen dute.
Igandean, herri bazkaria eginen dute Aizpiltzen (Jarauta), 14:30ean, eta, astelehenean, Mari Trapu errez agur esanen diete inauteriei. 19:00etan izanen da hori.
Arrotxapean, mozorro tailerra
Arrotxapeako auzoan ere badago zer gozatua, larunbata izanen da egun handia.
Txantrea, euskal mozorroen gunea
Ostiralean, gaur bertan, umeentzako ekintzak antolatu dituzte batez ere Txantrean, bihar, egun handia izanen da, bazkari herrikoiarekin.
Sanduzelain, epaiketa
Sanduzelai auzoan inkisidorea epaituko dute, 20:00etan eta, gauean, parranda egonen da.
Zure auzoko informazio bidali nahi izanez gero info@euskalerriairratia.eus helbidera idatzi.