Ntb11 izanen da Iruñerriko euskarazko telebista kate berria. Nafar Telebistaren eta Hamaika Telebistaren arteko elkarlanaren emaitza izanen da Ntb11. 38. katean izanen dute eskuragarri Iruñerriko bizilagunek euskara hutsezko telebista katea ikusteko, bihartik aurrera.
2Komunikazio aukera berriak zabaltzea da xedea", azaldu du Iñaki Redin Nafar Telebistako zuzendariak. Horretarako espresuki kate berrirako ekoiztuko dituzte edukiak, baina, lehen pausoetan Hamaikak berak ekoiztuak dituenak emanen dituzte. Hamaikak zazpi urte daramatza lanean. Euren esperientziaren eta Nafar telebistaren gaztetasunaren arteko edukiak izanen dira.
Erronkak aurrera begira
Babes ekonomikoa iritsi ahala, berezko programazioarekin osatu nahiko lukete Ntb11 telebista katea. Albistegi euskaldunak egin eta egunerokotasunari lotutako errealitate politiko, sozial eta kulturala telebista bidez zabaldu nahiko lukete.
Lankidetza eta elkarlana ere goraipatu dituzte, ez bakarrik Nafar telebistaren eta Hamaikaren artean, Euskalerria irratiak ere izanen baitu tarterik programazio berri horretan.
Bihartik aurrera beraz, Iruñerriak Euskal Herri osoko euskarazko eskaintzarik zabalena izanen du telebista bidez Ntb11rekin ariko baitira egun ikusten ahal diren Xaloa zein ETB1 eta ETB3.