Aurten “Xamariko Eguna” apirilaren 25ean ospatuko dugu, Uharteko Virgen Blanca ikastetxe publikoan. Dindaia fundazioak urtero antolatzen duen ekintza da hau. Alde batetik, Dindaia Fundazioarekin ikasturte osoan zehar parte hartzen duten haur, guraso eta hezitzaileak batzen dituen festa eguna da; eta, bestetik, Rikardo Ederra Dindaia Fundazioaren sortzailea izandakoari omenaldia egiteko modua. Zortzigarren urtez gure eskolaz kanpoko ekintzetako haurrak izango dira festa honen protagonistak. Azken hilabetetan ikuskizun ugari prestatzen aritu dira: dantza erakustaldiak, batukada emanaldia, margoketa erakustaldia, kirol ikuskizunak, arropa erakusketa…
Festa goizeko 11:00etan hasiko da, jokoen munduarekin: tonbola, txikien txokoa, zirko txokoa, tailerrak, musika txokoa....
11:30etik 13:30era: dantzaldia.
12:00etatik aurrera: xake topaketa, zu zeu disenatzaile eta pandero, tistu eta kitarra emanaldiak.
12:30ean: euskal dantzak.
12:45ean: kirolak.
13:15ean: batukada.
13:45ean: agurra.
Eta arratsaldean, 18:30ean, denok Anaitasuna, euskaraz bizi nahi dugula aldarrikatzera!
