"Mutilek zakila dute. Neskek bulba dute. Ez zaitzatela engaina. Gizon jaioz gero, gizona zara. Emakume jaioz gero, emakumea zara" esaldia daraman Hazte Oir talde ultraeskuindar katolikoaren autobusa martxoaren 5ean eta 6an Iruñean egotea aurreikusi duten arren, instituzioek jakinarazi dute geldiarazten ahaleginduko direla, eta E28ko plataformak mobilizazioara deitu du Nafarroa: aniztasun lurraldea. Transfobiarik ez! lelopean. 18:00etan aterako da protesta, larunbatean, autobus geltoki zaharretik.
Chrysallis elkartearen "Badira zakila duten neskak eta bulba duten mutilak" kanpainari erantzuteko asmoz atera du kanpaina talde ultraeskuindar transfoboak.
Sinadura bilketa
Transfobiaren apologia egiten duen autobusaren kontrako sinadura bilketa hasi dute Change.org plataforman. Artikulu hau idazteko unean, 127.065 sinadura bildu ditu eta 150.000era iristea da helburua.
