Eritasun arraroak pairatzen dituztenak eta haien gertukoak bizitzen ari direnaren inguruan herritarrak sentsibilizatzeko konpromisoa hartu du Iruñeko Udalak. Izan ere, gaur da Gaixotasun Arraroen eguna, otsailaren 28a. Era horretan, "eritasun arraroen aurkako ekinean, dagokien administrazioekin ariko da elkarlanean" udala.
GERNA elkartearekin eta gisa horretako erakundeekin lan egiteko asmoa azaldu du, Gaixotasun Arraroen Nazioarteko Eguna ospatzeaz ez ezik.
"Babes eta aitortza handiena adierazten diegu gaixotasun arraroak pairatzen dituzten horiei eta haien familiei laguntzen aritzen diren elkarte eta fundazioei", esan du udalak.