Zea Mays taldeak "Harro" izeneko disko berria kaleratu du arrazoi asko dituztelako harro egoteko. Aiora Renteria abeslariak azaldu digunez lehendabiziko arrazoia litzateke laster hogei urte betetzeko dituztela eta hasierako formazio berberarekin.
1997. urtean sortu zen taldea Bilboko Errekalde auzoan eta orain arte zortzi disko eta maketa bat kaleratu dituzte. Hogeigarren urteurrena ospatzeko zerbait berezia egiteko asmoa dute, baina, bitartean, 15 abesti biltzen dituen disko berria ari dira aurkezten han eta hemen.
Larunbatean, azaroaren 26an Iruñeko Zentral Antzokian arituko dira. Lehenbizi Liher taldea arituko da 20:45etan eta jarraian, 22:00etatik aurrera, Zea Mays.