Bost urtez behin egiten den azterketa da hau eta oraingo hau Iruñean egiten den zazpigarren neurketa izanen da. Behaketa bide publikoan egiten da. Oraingo honetan Sozioliguistika Klusterrak eginen du landa-lana. Horretarako behatzaileak aldez aurretik ezarritako ibilbideetan barna mugituko dira. Kasu honetan, datu ahalik eta hoberenak lortzeko ibilbide egokienen diseinua udalaren zerbitzu teknikoekin elkarlanean eginen da. Behatzaileak kaleetan barna dabiltza eta haiekin gurutzatzen diren pertsonek zein hizkuntzatan hitz egiten duten eta zenbait ezaugarri jasotzen dituzte: sexua, adina eta elkarrizketan parte hartzen dutenen kopurua. Behaketa hori euskararen lurralde-esparru guztietan egiten da aldi berean. Hortaz, izaera bereziko makroinkesta gisa definitu daiteke, elkarteak berak garatutako metodologia aplikatzen duena eta soziolinguistikaren alorrean nazioartean onartua dagoena.
Emaitzak udaberrian emanen dituzte ezagutzera eta hirian euskararen egoera zein den ezagutzeko balioko dute.