Irakurtzeko espazio bat eratzea da Lecxiten jarduera nagusia. Horrek ikasitakoa errotzen eta irakurmena hobetzen lagunduko die. Boluntarioak entretenimendurako, konfiantzarako eta heziketa-konpromisorako denbora tarte bat sortzen laguntzen du, parte hartzen duten ikasleekin.
LECXIT programaren gakoa da irakurketa era sistematikoan lantzea, baina, aldi berean, modu ludiko eta atseginean, eta hori posible egiten dute boluntarioek eta parte hartzen duten haurren inguruko pertsonen inplikazioak.
2009ko PISA txostenaren arabera, Irakurketa-jarduera ugaritan parte hartzen duten ikasleak eraginkorragoak dira ikasketetan, beste ikasle batzuekin alderatuz, eta errendimendu ona dute ikastetxeetan. Hortaz, irakurmena erabakigarria da pertsonek bizi diren munduari zentzua emateko eta haien bizitzan zehar ikasten jarraitzeko.
LECXITen ibilbidea
Proiektua Katalunian abiatu zen 2011-2012ko ikasturtean, Jaume Bofill Fundazioaren ekimenez, eta La Caixa Fundazioaren eta Generalitatearen laguntzarekin. Aurtengo ikasturtean Katalunia osoko 61 udalerritan eta 120 LECXIT Puntutan ari da garatzen. Hortaz, 2016-2017ko ikasturtea seigarrena da Katalunian, eta lehenengoa Iruñean, jatorrizko lurralde-eremutik “aterako” den lehenengo hirian.
Boluntario izan nahi dutenek izena eman dezakete 010 telefonoan (948420100 Iruñetik kanpotik edo mugikor batetik deituz gero). Programa urrian abiatuko da eta ekainaren 18ra arte garatuko da.