Maialen Diaz antzerkilari iruindarra eta Miriam Hualte piano jotzaile eta abeslari barañaindarra Kondestablearen kultur arteoan arituko dira ostegun arratsaldean.
Lau ipuin erotiko eskainiko dituzte, musikak lagundurik.
Maialen Diaz Nafarroako Antzerki Eskolako ikasle ohia da. Duela hiru urte Madrilen ikasten ari da William Leyton laborategian, Nafarroako Gobernuak emaniko beka bati esker.
Bestalde, Iruñeko Udalak eta Nafarroako Antzerki Eskolak antolatutako Haurrendako Antzerki Testuen lehiaketaren XXV. edizioan euskarazko modalitatearen saria berak irabazi duela ezagutzera eman dute aste honetan bertan, "Greta liburuzaina" lanarekin.
Irrintzi Plaza saioan ostegunean kontatuko dituen ipuinetako baten hasiera belarriratu digu.