"Iruñeko Udalak eta Iruña hiriak eskainia 1936an askatasuna eta justizia soziala defendatzeagatik fusilatutako 298 iruindarren omenez". Hala dio Gaztelu gibelean 1936an eraildakoak oroitzeko ipinitako plakak. Gaur, goizak argitzerakoan, Espainiako bandera gainean margotua azaldu da.
Nafarroako Fusilatuen Senideen Elkarteko presidente Olga Alcega kexu azaldu da oroitarria lortzea "asko" kostatu zaielako.
Ugaritzen ari dira eraso xenofoboak eta faxistak Iruñean. Joseba Asironen kontrako pintaketak, Mola eta Sanjurjoren deshobiraketa salatzekoak eta German Rodriguezen hilarriaren aurkako erasoak izan ziren aurreko asteetan.
