Bertsoak ere izanen du tokia Aldapako Sanfermin jaietan. Ostiralean, Jarautako La Viña tabernatik abiatuko dira Xabier Terreros eta Julio Soto, ingurua bertsoz alaitu asmoz, 19:30ean, Jai Batzordeak antolatuta.
Eta ostiralean ere, baina Duguna Elkartearen ekimenez, Miren Amuriza eta Oihana Bartra bertsolariak ariko dira, Duguna elkartean, 22:00etan. Txartelak 20 euroan jarri dituzte salgai.
Larunbatean, aldiz, Elkartasun bazkaria izanen da Auzogunean, 14:30ean, eta bertan abestuko dute Alaia Martinek eta Eneko Lazkozek. Txartelak 15 euroan daude salgai.
Amaitzeko, larunbatean ere, baina Zaldiko Maldikoren egoitzan, Aimar Karrika eta Odei Barroso bertaratuko dira, musika eta bertsoa uztatzeko. 19:30ean izanen da saioa.