5,5 kilometroko ibilbidea duen lasterketa helduentzat zein haurrentzat sortu dute, "jai giroan" korrika egiteko, "euskaraz bizitzeko norabidean".
Herritarrak motibatu nahi izan dituzte Euskalgintzako eragileek: "Burua deskonektatzeko korrika egitea gustuko duzuenak, kuadrillarekin batera ibilbide polit hau egitera animatzen zaretenak, kross korrikalariak, zuen txikiek ere korrika egin dezaten nahi duzuenak...". Horiei denei luzatu diete gonbitea.
Izen ematea San Frantzisko plazan bertan egin beharko da, 09:00etatik 10:00etara. Helduek 5 euro ordaindu beharko dituzte eta gazteek 2 euro.