Estrasburgoko Giza Eskubideen Auzitegiak zigortu du Espainia tortura salaketei entzungor egiteagatik. Tortura baimentzen duelako jasotzen duen zortzigarren zigorra da.
Ekinen kontra egindako operazio batean hartu zuten atxilo Beortegi, Jon Patxi Arratibelen auzi berean. Hain zuzen, Arratibelen tortura salaketak dira Espainiak ikertu ez zituenetako beste batzuk, eta horien ondorioz ere kondenatua izan zen.
2011n Beortegi Madrilera eraman zutenean, "mehatxatua eta iraindua" izan zen, eta horrez gain, pistola bat jarri zioten esku artean poliziek, Beortegik berak prentsaurreko baten bidez azaldu duenez. Inkomunikatuta zegoenean, poltsa ipini zioten buruan, eta borra eta elektrodoak uzkitik sartzearekin egin zioten mehatxu. Azkenean, bere buruari errua egotzi zion, "sufrimendua buka zedin".
Grande Marlaska epailearen aurretik pasatzerakoan, aske geratu zen Beortegi, haatik, iskin egin zion auzitegiak haren tortura salaketa aztertzeari. Bigarren saiakera iritsiko zen gero. Iruñeko Instrukzio epaitegian ere aurkeztu zuen salaketa, ez zuen aurrera egin, baina. Baina hirugarrenean, bai. Azkenean, Europak eman dio arrazoia.
20.000 euro ordaindu beharko dizkiote, "kalte moralak" direla eta, eta beste 3.500 euro gastu judizialei aurre egiteko.
