Iruñea hiri "iraunkorragoa, berdinagoa eta atseginagoa" izatea nahi du udalak, Armando Cuenca zinegotziaren esanetan, eta horretarako egin zuten Mugikortasun Ordenantzaren inguruko saioa, atzo.
Makina bat ideia atera ziren: txirrindula azpiegitura gehiago sortzea, bideko segurtasunean heztea jendea, udaltzainak bizikletan joatea, bizikletak errepidea eta espaloian egotearen inguruko hausnarketa, bizikletak zaintzeko kamerak jartzea...
Zein ote helburua? Hiria gero eta "ibilgarriagoa" izatea, garraio publikoa indartzea eta bizikletak gailentzea, motorra duten ibilgailuen gainetik.
Aurrera begira hiru lan talde sortu dituzte gaiari segida emateko helburuz: bat, espaloiak eta bidegorriak; bi, jokaera seguruak; eta hiru, oinezkoak eta espaloiak. Horietatik jaioko da berritutako ordenantza.