'Aski da. Donibane eraso sexisten aurka' irakur zitekeen manifestazioko pankartan. Oihuak ere egin dituzte parte hartu duten ehunka lagunek. Azken asteetan Donibanen eta Barañainen izan diren eraso sexistak salatzeko protesta izan da. Donibane auzoan ekin, eta Iruñean barna egin dute manifestazioa. "Guztion erantzukizuna da halako eraso matxistak salatzea. Berdintasuna lortzeko denok egin behar dugu lan", azaldu zuen larunbateko protestaren amaieran Koldo Osinaga Donibane auzoko eledunak.