Kudeaketari dagokionez, LGTBI gaiak lantzen dituzten eragileekin kogestioa bultzatuko du Iruñeko Udalak.
Askotariko errekurtsoak eskainiko ditu: Informazio Zerbitzua, Sexu eta Genero Aniztasunerako Arreta Zerbitzua, LGTBI baliabide Zentroa, liburutegi bat, LGTBI dokumentazio zentroa eta Homofobiaren Kontrako Behatokia.
Bi helburu nagusi dauzka zentroak. Lehenik eta behin, LGTBI kolektiboak artikulatzeko gunea izatea; bigarrenik, informazioa eskaini ahal izatea.
Iruñeko LGTB Plataformaren, LGTBI kolektiboen eta udalaren elkarlanaren emaitza da.
Gobernu Batzordeak maiatzean oniritzia ematen duenean, uztailean hasiko dira lokala egokitzen. Hala, atonduta, San Gregorio kaleko 28. zenbakiko zerbitzua irailerako martxan egotea aurreikusi dute.