Euskara C1 maila izan beharko dute Iruñeko Udalak kontratatuko dituen zortzi lagunek, "herritarrentzako euskarazko arreta bermatuta gera dadin", izan ere, euskara da "hiriko berariazko bi hizkuntzetako bat".
Gainera, euskara jakintza izanen dutela bermatuta, euren gain hartu ahalko dute egin beharreko lan guztia. Esaterako, community manager postuan, euskarazko eginkizunak "ez dira itzulpen zerbitzuaren menpe geratuko".
Mugikortasun lanpostuan, eskolentzako materiala sortu beharko dute, eta, horretarako, hizkuntza menperatu beharko dute.
Ingurugiro Hezkuntza, Gazteria eta Herritarren Parte Hartzeari dagokionez, gaztelaniazko eta euskarazko postuak irekiko dituzte. Gazterian ere bi plaza zabalduko dira: bat, euskaraz; eta bestea, gaztelaniaz.
Berdintasun arloan, euskarazkoa izanen da postua. Kulturan dagoen horrek ere jakin beharko du, "euskararekin eta kulturarekin lotutako eginbeharrak" izanen baititu.