"Aldaketa erreala izan dadin eta bazterkeriarik zein funamentalismorik gabe izan dadin", manifestazioa deitu dute gizarte eragile eta sindikalek. Aldaketaren aldeko protesta izanen dela gaineratu dute "inoren kontra" aritzeko asmorik gabe. "Benetako demokrazia" baten aldeko aldarria izanen da nagusi gaurko protestan.
19:00etan irtengo dira kalera autobus geltoki zaharretik, "Aldaketarekin, denon Iruñea. Fundamentalismorik ez", goiburuarekin. Abel Azkona artistaren erakusketak sortu duen aztoramendua ekarri dute gogora: "Nahiz eta memoria historikoaren inguruko lana egin duen Azkonak fundamentalismoaz, elizaz eta adierazpen askatasunaz baino ez dira mintzatu". Horren atzean, interes politikoak antzeman dituzte noiz eta, parte hartzea sustatu nahi denean erabakitzeko adibidez zer egin Mola eta Sanjurjoren gorpuzkinekin.