Nafarroako Egunaren oroitzapena dela-eta, Nafarroako Jauregiak, foru instituzioen egoitza historikoak, ateak irekiko ditu hango aretoak, galeriak eta bulegoak erakusteko, azaroaren 25tik abenduaren 1ra bitartean.
Aukera ederra da eraikin enblematikoa eta barruko altxor artistikoak eta historikoak ezagutzeko.
Nafarroako Jauregia ezagutzeko bisita gidatuak azalpen-bideo batekin hasiko dira, eta ondorengo lekuetan zehar ibilaldia egingo da: Tronuaren Aretoa, Lehendakarien Aretoa, Areto Berdea edo Errege Erretratuena, Lehendakaritzaren bulegoa, Bilera Aretoa, Jangela Aretoa eta Kapera.
Bisitetan, musika-interpretazio laburra eskainiko dute Nafarroako Goi Mailako Musika Kontserbatorioko ikasleek.
Bisitariek bereizgarri bat jasoko dute Nafarroako ezkutuarekin eta Nafarroako Jauregiari buruzko informazio-liburuxka bat.
BISITA-ORDUAK
Lanegunak:
Eguneko lau bisita gidatu egingo dira, eta horietako bat euskaraz izango da.
Bisitak ordu hauetan izango dira: 17:00 / 17:30 / 18:00 / 18:30
Euskarazko taldeak: azaroaren 25an, 17:00etan; azaroaren 26an, 17:30ean; abenduaren 27ean, 18:00etan; eta abenduaren 1an, 18:30ean.
Jai-egunak:
6 bisita egingo dira, 11:00etan, 11:30ean, 12:00etan, 12:30ean, 18:00etan eta 18:30ean.
Euskarazko taldeak: azaroaren 28an, 11:00etan; azaroaren 29an, 11:30ean; eta azaroaren 30ean, 12:00etan.
Beharrezkoa da NAN aurkeztea, eta bisita hasi baino ordu laurden lehenago Carlos III.aren atera joan behar da (2. zk.). 18 urtetik beherakoek heldu batekin joan behar dute. Bisita ordubete eta laurden ingurukoa da. Jauregiko leku batzuk bereziki zaindu behar dira; beraz, ezin da takoi meherik eraman. Jauregian ezin da janari edo edaririk sartu. Argazkiak atera daitezke, baina flashik gabe. Gurpil-aulkiarekin edo aulkitxoekin sar daiteke.
IZEN-EMATEA DOAKOA DA
Interesatuek ordua erreserbatzeko honako telefono hauetara deitu behar dute, azalpena zein hizkuntzatan jaso nahi duten adieraztearekin batera: 948 012 012 (doakoa) eta 012 (deiaren balioa: 0,34 euro, iraupena edozein dela ere).
Bi zenbaki horietara astelehenetik ostiralera bitartean dei daiteke, 8:00etatik 19:00etara.
Telefonoz erreserba egiterakoan, ondorengoak eskatuko dira: izen-abizenak, NAN eta harremanetarako telefonoa.