Gaur, eguerdian, udalak emakumeen kontrako indarkeria mota guztiak gaitzesteko elkarretaratzea deitu du, udal plazan, Emakumeen Kontrako Indarkeriaren Aurkako Egunaren karietara.
Eta arratsaldean, seietan , Kondestable civivox aretoan, udal ordezkariek Iruñeko Udalaren 2016ko aurrekontuak aurkeztuko dizkiete herritarrei. Alkatea, zinegotziek eta Geroa Baiko eledunak udal kontuak azalduko dituzte, parte hartzean oinarritutako saio batean.
Arratsaldean bertan ere, mediazioaren inguruko hitzaldia, Milagrosako Civivox aretoan, hazkunde pertsonalaren zikloaren baitan. Zazpietan izanen da, gonbidapena aldez aurretik hartuta.
Bihar, Nepalen inguruko mintzaldia, Mendillorriko Civivox aretoan. Erronka: herrialdea berreraikitzea. SOS Himalaya-ko Cristina Climentek eskainiko du. Zazpietan, doan, aurretik gonbidapena hartuta.
Sodoma Futbol Taldea. Hori da Gazteriaren etxean Carlos Marsa idazleak, Carlos Perez kazetariak eta Luis Sabalza Osasunako presidenteak aurkeztuko duten liburuaren izena. Arratsaldeko zazpietan.
Dantza garaikidearen zikloa Dinamo Danzaren emanaldi batekin bukatuko da. Saioa zortzietan izanen da, eta sarrerak hiru euroan eros daitezke, Iturramako Civivox aretoan bertan edota sarean.
Salgai daude jasa Jabier Muguruzaren kontzerturako sarrerak, Sanduzelaiko Civivox aretoan izanen da. Sarrerak sei euroan eros daitezke, bertan eta udal webgunean, sei euroan.