Bihar lehertuko da festa, 12:00etan txupinazoa botatzearekin batera. Nolanahi ere, gaurtik aurrera izanen da zer ikusi eta gozatua; izan ere, pilota eta futbito txapelketa herrikoiak antolatu dituzte.
Bihar, musikak hartuko ditu kaleak: La Pamplonesak emanaldia eskainiko du, pasealekuan. Arratsaldean, berriz, mus lehiaketa eta BMX txirrindulen erakustaldia eginen dute. Amaitzeko, Atreyu diskalariarekin igaroko dituzte gaueko ordu txikiak.
Igandean, motor zaleen topaketa ospatuko dute, goizean goiz. Ostean, nahi duten herritar guztiak batuko dira bazkari herrikoian. Eta gaua berriz ere dantzarako espazioa izanen da, Euro orkestraren eskutik.
Astelehenean, Euskal jaiaren ordua iritsiko da, eta 'kasko t' jaurtiketan gauzatu eta gero bukatuko dira jaiak.