Iruñeko botoen %96,97 zenbatuta, aldaketaren aldeko indarrek gehiengoa lortuko lukete udalean, 27 zinegotzi eserlekuetatik 14 lortuz. UPN litzateke indar bozkatuena (botoen % 29,93 eta 10 zinegotzi), ondoren EHBildu (%17,10 eta 5 zinegotzi), Geroa Bai (%15,86 eta 5 zinegotzi), PSN (%10,43 eta 3 zinegotzi), Aranzadi (%9,60 eta 3 zinegotzi) eta Ezkerrak (%5,80 eta zinegotzi bat).
Beraz, hauteskunde gaua zenbaki hauekin amaituko balitz, aldaketaren alde agertu izan diren alderdiek Iruñeko udalean agintzeko moduan leudeke, UPN eta PSNren artean 13 eserleku lortuko bailituzkete.
Hala ere, Ezkerraren eserlekua kili-kolo legoke (%5ari eutsi beharko lioke) eta beraz, gauzak estu egonen dira azken unerarte.