Hirugarren urtez jarraian Sanferminetan aparkalekuak eremu laranja izanen dira. Iruñeko Udalak hala onartu du. Uztailaren 4tik 14ra eta 24 orduz ordaindu beharko da hirian autoa aparkatzeagatik. Uztailaren 15etik 31ra ez da aparkalekuan kotxea uzteagatik ordaindu beharko.
Uztailaren 4tik eta Sanferminak amaitu arte Nafarroa Behereko etorbidea, Olibeto Kondearen etorbidea, Ejerzitoarena, Pio XII. eta alde zaharreko aparkalekuak bizilagunentzat izanen dira soilik, aparkatzeko txartela duten autoentzat, alegia.
Zabalgunean, Arrosadian, Azpilagañan, Iturraman, Ermitagañan, Mendebaldean, Etxabakoizen eta Donibanen eremu laranja izanen dute.