Iruñeko Udaleko Prebentziorako Zerbitzuen baitan egon nahi dute Yoar eta Bideberri elkarteek. Hitzarmenaren bidez euren lana babesteko beharra dutela nabarmendu dute. 400 herritarrek babesa eman zieten larunbatean manifestazioan. “Gainerako beste bost auzotan aitortzen diete gu bezalako elkarteei euren lana haur eta gazteen prebentzioan, lan taldeak osatzen dituzte eta elkarlanean aritzen dira. Horrez gain, laguntza ekonomikoak banatzen dizkie Udalak”, hala ohartarazi dute Yoar eta Bideberriko ordezkariek. Mendillorrin, Azpilagañan eta Arrosadian egiten dute lan bi elkarte horiek. Udalarengandik babesik ez dutela jasotzen salatu dute nahiz eta baldintza guztiak bete.
Aldarrikapena, txuriz eta berdez
Mendillorritik arropa txuriz eta Arrosadiatik arropa berdez jantzita iritsi ziren Merinaldeen plazara bi zutabeak. Carlos III. Etorbidetik, Komedias kaletik, Zapateriatik, Eslabatik, Kale Nagusitik barna eraman zuten aldarrikapena eta Udaletxeko plazaraino egin zuten.