Guztira zazpi lagun eraman behar izan dituzte ospitalera kea arnasteagatik intoxikaturik. Atzo arratsaldean sortu zen sutea Baleztena Etxean. Eraikina Gazteluko plazaren, Sarasate pasealekuaren eta Komedias kalearen artean dago. Etxebizitzan bizi diren hiru emakume edadetu, laguntzera joandako bi senitarteko eta bi udaltzain dira ospitaleratuak.
Sukaldean sortu zen sua, etxebizitzako hirugarren solairuan. Nola sortu zen ikertzen ari dira oraindik. Ilunabarreko 20:30 aldera eman zieten abisua Trinitarioetako suhiltzaileei, eta berehala kontrolatu zuten sutea. Kalte material txikiak eragin zituen sukaldean.