Gora Iruñea! plataformak "Iruñeko Jaiak Musutruk" zozketaren irabazleen izenak eman ditu ezagutzera: Cristina, Gontzal eta Aitor. Iruñeko auzoetako jai guztietan eta baita Sanferminetan ere, bazkariak, afariak, tragoxkak, barraketan ibiltzeko fitxak... irabazi dituzte lehen bi saridunek. 3. saria 750€ko bidai-txeke bat izan da.
Heldu den asteburu honetan 2015eko jai denboraldiari hasiera emanen dio Sanduzelai auzoak eta hemendik aurrera ia asteburuero izanen da auzo bateko jaiez gozatzeko aukera: Sanduzelai, Txantrea, Iturrama, Arrosadia, Arrotxapea, Azpilagaña eta Donibane izanen dira, hurrenez hurren, Sanferminak baino lehen eginen direnak eta eta Mendillorri, Buztintxuri, Sanfermin Txikia eta Etxabakoitz uda amaierakoak.
Gora Iruñea! Plataformak jai guztietan parte hartzeko eta errespetuz gozatzeko deialdia egiten dio hiritar orori.