Iruñeko parkerik handienetakoaren irekiera gaur izanen da. Lezkairuko iparraldean kokatuta dago 93.450 metro koadrorekin: 15.446 metroko zelai-guneak, jolasteko tokiak eta kirola egiteko lekuak izanen ditu. 900 metro luze ditu parkeak eta bi bidek zeharkatzen dute: parkearen erditik igarotzen da bat, asfaltatua eta gereziondoz inguratua. Mendillorriraino iristen da bide hori. Lezkairu eta hiriko gunerik altuenak lotuko dituzten bidexkak ere badira.
Iruñeko parkerik handienetakoa izanen da Lezkairukoa. Yamagutxikoak adibidez, 10.000 metro koadro gutxiago ditu. 2013an ekin zioten parkea sortzeko lanak egiteari. 2,9 milioi euroko inbertsioa egin du Udalak.