Ikasturtea amaitzearekin batera datoz, ohi bezala, Eskolartekoak. Euskal Herri mailako ekimen hau Ikastolen Elkarteak eta Bertsozale Elkarteak antolatzen dute elkarlanean, bertso-eskolen laguntzari esker.
Herrialdeetako finalen ondoren, Euskal Herriko Eskolarteko finala etorriko da gero, ekainaren 27an, Orion eginen den festarekin. Herrialde bakoitzeko bi ordezkari arituko dira bertsotan. Gabonetan eginen den negulekuan egonaldia izanen dute sari finalista guztiek.
Nafarroako finaleko bertsolariak: Ekain Alegre, Alai Arozena, Aitziber Grados, Idoia Granizo, Joanes Ilarregi, Xabat Illarregi, Maddalen Lopez, Manex Mailharin, Uxue Mesa Garmendia, Iratxe Muxika, Ekhiñe Zapiain Arlegi.
Gai-jartzailea: Ainara Ieregi.
Albiste osoa: hemen.
Bertso-udalekuak prestatzen
Bestalde, pasa den asteburuan Bakaikun bildu ziren bertso-udalekuetako partaideak, udan eginen diren jarduerak antolatzeko.
Aurtengo bertso-udalekuetan parte hartuko duten zuzendari, begirale, sukaldari eta begirale praktikak eginen dituzten hezitzaileak hurbildu ziren Bakaikura. Guztira 31 hezitzailek hartuko dute parte ekimenean.
Uztailean ekingo zaie bertso-udalekuei. Maiatzaren 7a baino lehen jakinaraziko zaie izena emandakoei txanden osaketa.