Iruñazarrak ateak ireki ditu bi urtez itxita egon ondoren. Merkaderes kalean ohiko txokoan zabaldu ditu ateak. Jabe berriak Iturondo SL izeneko lan taldea dira. Astelehenean eta asteartean zabaldu dituzte lehenengoz eta ate irekiak formularekin jendetza hurbildu da Iruñazarra tabernara. Atzotik goizeko zortzietatik gauerdira arte zabaltzen hasi dira. Asteburuetan goizaldeko ordu bi terdiak arte ere irekiko dute.
Tabernara sartu bezain pronto kafetegia, pintxoak eta barrualdeko aldera ematen duen patioa topa daitezke. Beheko partean 60 lagunendako jangela du. Eraberritze lanetan azaldu ziren arkuak mantendu dituzte jangelako sotoan.