Iruñean, atzo, hiru oinezko zaurituta gertatu ziren, hiru istriputan; hiru ezbeharrak ordubeteko epean izan ziren. Lehen ezbeharra bizikleta baten eta oinezko baten artekoa izan zen. Bizikletak 57 urteko emakumezko bat harrapatu zuen, eta zauri arinak eragin zizkion andreari. Beste bi istripuetan, berriz, autoak izan ziren oinezkoak harrapatu zitzutenak. Batean, 51 urteko gizonezko bat harrapatu zuen automobil batek, eta bestean, 14 urteko gazte bat. Denek zauri arinak baino ez dituzte, Udaltzaingoak esan duenaren arabera.