Zaintzen aldeko ituna sinatu dute gaur Nafarroako Berdintasun Institutuak eta Iruñeko Udalak. "Benetako berdintasuna" erdiesteko "lan tresna" izanen dela adierazi dute Iruñeko alkate Joseba Asironek eta Berdintasun Institutuko zuzendari Patricia Abadek. Zaintza lanekin kontzientziatu, lanak banatu, zaintzak konpartitu eta pertsonen eskubideak kontuan hartuko dituen politika publikoetan aurrera egiten segitzeko bide izanen da Ituna. Gaur sinatutakoa, 2028ra arte izanen da martxan.

Nafarroako hainbat nekazari entitatek elikadura subiranotasunaren aldeko eta nekazaritza eredu industrialaren aurkako mobilizazio deia egin dute. Larunbatean, apirilaren 27an, 17:30ean, manifestazioa eginen dute Baluarte Plazatik abiatuta.