Euskaldunen Harrotze Astea egiten ari da Euskal Herrian Euskaraz taldea. Ekimen ikusgarriak egin nahi ditu eta horietako bat X sarean argitaratu du bart. Euskararen Legeak ezartzen duen eremuen arabera eremu mistoa eta euskaldunaren arteko mugan jarri du kartel erraldoia EHEek: 'Euskaraz bizitzeko debekua' irakur daiteke. 

Batzar Nagusia egin zuen joan den larunbatean Euskal Itzultzaile, Zuzentzaile eta Interpreteen Elkarteak eta Fernando Rey Escalera izendatu zuten hurrengo bi urteetarako lehendakari. Horrenbestez, Manu Lopez Gaseniren lekua hartu du Reyk. Beste bi itzultzaile ere batu dira zuzendaritza taldera: Isabel Etxeberria Ramirez eta Ane Garmendia Alberdi. Jon Alonso Abajok, berriz, taldea utzi du, bi urtez elkartearentzat lanean jardun ondoren.