Barañainen, Haritu Etxebizitza Sindikatuak deituta, familia baten etxegabetze arriskua salatzeko egin zuten protesta. Duela bi hilabete iritsi zitzaion Barañainen bizi den familia horri etxegabetzeko agindua. Ordutik 70 eguneko luzapena erdietsi dute baina apirilaren hasieran agortzen da, hortaz, arriskua dagoela salatzen ari dira. Sareb bankuarena da etxearen jabegoa eta exijitu diote ez dezala familia hori kaleratu.

Barañainen familia bat etxetik kaleratzeko arriskuaz ohartarazi du Haritu Etxebizitza Sindikatuak. Azaroan aurretik bizi zen etxebizitza batetik kaleratu zuen Tesla Blackstone hirigintza agentziak eta orain Sareb izeneko "putre-funtsak" gauza bera egin nahi du. "Informazioa trakets iristen ari da eta segurtasun falta izugarria da familia horrek bizi duena", azaldu du Euskalerria Irratian Haritu Etxebizitza Sindikatuko Oihana Idoatek. Kasua gertutik segituko dutela jakinarazi du eta mobilizazioak deitzea ez dute baztertu.